El Cerdo (大壩街) (Closed)

喺香港比較少西班牙菜餐廳😌有時候食西餐意粉食到悶悶地都可以去試吓呢間喺荃灣廣場對面 地點方便 鋪面裝修型格簡單 有少少神秘感 法式多士配番茄蓉🍅🥖 清新嘅配搭 多士炸過好脆 但唔算好特別烤沙甸魚🐟平時食沙甸魚主要食罐頭 呢個燒到好脆 好香香草味 底下有番茄醬同埋麵包 連骨都可以食 鈣質豐富🦴 放入個罐頭到上菜 幾有風味炸黑毛豬五花腩🍖配蜜糖芥茉醬肥瘦適中 成塊食都唔會好油膩 同平時港式燒肉唔同 唔會好乾 蜜糖芥茉醬自家製 甜甜地少少辣好好味 都唔會太嗆 上面啲酸蕃茄乾都好開胃西班牙海鮮炒飯🥘必食🤩 海鮮多 有蝦 魚 魷魚 青口 特別要講講個青口 雖然明知係急凍貨色 但煮得剛剛好好嫩 唔腥 仲有少少甜味 個飯底係傳統西班牙米 小小硬 好有咬口 成個飯蕃茄味唔會太濃 唔會令你好口渴 加上份量好大夠兩至三個人食成餐飯都好滿意 去開荃灣都會再去！