早安越南 (Closed)

朋友返返黎香港，難得捉到佢去遊下新地鐵線，去下黃埔覓食同行AEON style🛍🛍行到去美食坊，話哂咁耐冇食東南亞野，馬上決定去試越南菜。生牛肉湯河，牛肉有六塊，個湯鮮甜不過偏濃，河粉偏軟。酸辣海鮮湯黑粉絲，有蝦、魷魚、青口、小帶子依啲雜錦海鮮料，偏細，都幾彈牙既，黑粉絲好似再幼少少既薯粉，幾正。不過個湯都偏油，重口味，我就幾中意，朋友比較清淡口味，比較中意個湯河。軟殼蟹米紙卷，大大隻軟殼蟹係入面，清爽，蔬菜都好新鮮，中和一下黑粉絲既重味。兩個人食三個餸勁飽🤤🤤仲要係可能難得過到越南癮😋