一樂小鍋 (Closed)

入去探沙田友，又近糧尾，問下沙田友有冇平靚正既快餐食先。一樂小鍋車仔麵，沙田友話好食又唔貴，好，坐底睇下有咩好食先。牛腩炆得夠腍，又大件，豬頸肉咬落就好爽，有肉又有菜先平衡，要左油麥菜，份量都ok, 菜都鮮綠色。麵底揀左紅菜頭麵，平時車仔麵來來去去都係油麵粗麵，呢款比較特別，食落爽口彈牙，而且紅菜頭營養豐富，高纖低熱量， 又抗氧化，難得食車仔麵都食得咁健康。另一碗麵叫左牛爽，原來牛爽係超好食，好爽好彈，係牛舌最爽既中間一小片。飲品叫左豆漿。