台灣麵 (Closed)

嚟九展，通常都會選擇台灣麵，皆因喺呢度嘅特色雙格餐，我可以一次過食兩款唔同嘅飯麵，滿足哂我呢d眼寬肚窄嘅人! 基本上除咗正常麵飯餐，呢個係我覺得幾特別嘅雙格餐，你可以任選A牌或B牌嘅餐，再選擇要飯或麵，麵又可以選拉麵、粗幼麵、米粉等等，真係一次過滿足兩個願望!今次我選咗兩個B餐，滷水雞翼拉麵同椒鹽排骨新竹米粉，雞翼夠入味，排骨唔韌，不過可能浸咗湯，椒鹽味無哂!朋友叫咗個台灣牛肉麵加雞翼米粉，牛肉嘅質素好唔穩定，有d勁林勁好味，但有d就勁韌勁難咬，睇你好唔好彩!餐飲加錢要台式飲品，質素正常!