桂月 (Closed)

今晚我地去左桂月呢間餐廳開左好一段時間每次經過都好想試下因為除左環境幾有情調之外呢度附近可以飲到咁多款Draft beer 嘅地方唔多最近都要出到太子酒吧街所以搵到時間就即刻嚟試下我地叫左一份炸魚薯條、一份意大利飯，另外每人一杯酒🔸英式脆炸深海鱈魚配薯條用左深海鱈魚做炸魚，口感唔會鬆散，而且可以保留肉質嫩滑。薯條份量好多，可以兩個人share。🔸黑松露雜菌意大利飯意大利飯口感啱啱好，黑松露味道突出，加上雜菌切成小粒，保留口感，值得一讚🔸Yuzu GimletGin 酒做base 再加上柚子汁、菊花Syrup ,酸度適中，感覺好清新，再加上棉花糖嘅甜味中和，非常平衡🔸Boiler maker本身鍾意飲啤酒嘅我打算叫杯Draft Beer, 但店員就推薦我可以試下呢杯加埋Whiskey 嘅雞尾酒，估唔到咁特別喎。IPA beer 同whiskey 分開上，先分別淺嚐兩者，再將whiskey 倒入啤酒。mix 埋之後，飲落係有少少似飲黑啤嘅感覺，同時又會帶啲煙肉味，好特別！