雞翼山 (謝斐道) (Closed)

今日經過銅鑼灣雞翼山，就好掛住佢啲雞翼。之前朋友帶過我去旺角食過一次，我就超鐘意。餐廳主打雞翼，有多款不同口味，岩哂一班雞翼控。餐廳有創意，口味多元化，有港式口味之外，仲有西式味道，款款都好吸引。menu粉色系好靚，雞翼圖好精美。我睇左好耐終於都選擇好啦！下午茶單點一客港式避風塘蒜香。雞翼一客4隻，滿佈炸蒜粒好香口。炸蒜完全唔會好熱氣，蒜味好濃郁。雞翼外層卜卜脆，中間肉嫩多汁好入味。下次想試下咸蛋黃口味。