Video
Read full review
2018-12-16
145 views
是咁的~好耐之前其實都留意到呢間韓國小店 加上近年喺觀塘工業區果邊其實多左好多樓上食店 今次就帶埋女朋友仔同兩個朋友一齊黎試下啦雖然第一次黎食 但呢間店俾我嘅感覺都係細左d 成個格局都幾逼 不過唔緊要 為食好西坐逼d都ok嘅其實menu入都有唔少野食 而且唔係好普通果d人參雞湯呀炒年糕呀紫菜包飯果類 反而係d特色韓國菜為主（想食番紫菜包飯果d呢間就唔啱喇 因為佢地係冇得賣嫁）咁我地一行四人就叫左半份柚子蜜牛油炸雞 明太子蛋卷 海鮮煎餅 同埋唔記得左叫咩名嘅一份鐵板烤肉追加年糕半份炸雞都講緊有成7~8件 每件size均等亦唔會太細 炸雞咬落一d都唔乾身柴口 外皮鬆脆得黎亦被厚身嘅柚子蜜包住 食落少少柚香配埋熱辣辣嘅肉汁真係香而不膩 食得幾舊都唔會好飽好濟 牛油味亦唔係太濃 攞到個味但唔會喧賓奪主 屬於高質素嘅炸雞 旁邊仲要有沙律菜而且仲有甜酸汁取代沙律醬醒胃得黎又健康 成份價錢仲要係快餐店嘅價 真係超值之選明太子蛋卷細細份 每人都試d就啱曬 即叫即整熱辣辣 熱辣辣嘅雞蛋卷最能逼到個蛋香出黎配埋呢到個明太子醬 又係一份必食之選野飲等陣講海鮮煎餅好香脆 但蛋漿太薄所以咬落似食薯片而唔係韓或煎
雖然第一次黎食 但呢間店俾我嘅感覺都係細左d 成個格局都幾逼 不過唔緊要 為食好西坐逼d都ok嘅
其實menu入都有唔少野食 而且唔係好普通果d人參雞湯呀炒年糕呀紫菜包飯果類 反而係d特色韓國菜為主（想食番紫菜包飯果d呢間就唔啱喇 因為佢地係冇得賣嫁）咁我地一行四人就叫左半份柚子蜜牛油炸雞 明太子蛋卷 海鮮煎餅 同埋唔記得左叫咩名嘅一份鐵板烤肉追加年糕
半份炸雞都講緊有成7~8件 每件size均等亦唔會太細 炸雞咬落一d都唔乾身柴口 外皮鬆脆得黎亦被厚身嘅柚子蜜包住 食落少少柚香配埋熱辣辣嘅肉汁真係香而不膩 食得幾舊都唔會好飽好濟 牛油味亦唔係太濃 攞到個味但唔會喧賓奪主 屬於高質素嘅炸雞 旁邊仲要有沙律菜而且仲有甜酸汁取代沙律醬醒胃得黎又健康 成份價錢仲要係快餐店嘅價 真係超值之選
明太子蛋卷細細份 每人都試d就啱曬 即叫即整熱辣辣 熱辣辣嘅雞蛋卷最能逼到個蛋香出黎配埋呢到個明太子醬 又係一份必食之選
野飲等陣講
海鮮煎餅好香脆 但蛋漿太薄所以咬落似食薯片而唔係韓或煎餅 韓式煎餅應該要有嘅煙un度係一d都冇 海鮮配料都唔算多 雖然有帶子仔 魷魚等等 但真係太少 不過我覺得都係個蛋漿開得太薄食但又要煎到好香 所以就搞到好似食緊海鮮薯片咁 味道唔係唔好 但就失去應有嘅口感喇
呢份唔記得咩名嘅鐵板係今晚最貴嘅一碟（$198）不過真係幾好食 佢墊底有好多泡菜同埋我地追加嘅年糕而面頭總共有四款肉 五花腩 豬腸 兩款唔同煮法嘅豬手（一款係喺韓國好地道煮法嘅豬手：用辣醬炆淋d豬手去餸酒 另一款係近似咸豬手果種）份量非常足夠而且味道好好 五花腩應該係分開燒熟之後放上板到 咁樣就可以好好控制到五花腩片嘅肉質同肉汁 用燒嘅方法快速鎖住肉汁而且保持肉質幼嫩最後階段先放上鐵板到就唔會導致腩片鞋身豬腸又都係好淋身相信亦係之前炆好左 唔錯唔錯兩款豬手都各有各好 紅色果款傳統做法其實先最襯成碟鐵板 因為用上同一款辣汁 而且豬手好淋好入味 正 另外果款豬手都好食 好似咸豬手咁你話會唔會唔好食啦
（不過我覺得唔係太有必要咁樣做成鐵板 因為四樣肉入面似係有三款係預先分開用各自嘅方法整好 同呢個鐵板冇咩太大關係）
最後見可以叫多少少野食 就叫一份牛舌 68蚊份量唔算多 但質素好高 牛舌火喉掌握係好重要 太熟真係慘過食橡筋（利申未食過橡筋）太生又冇口感同埋感覺上牛舌如果太生好似有d唔安全 呢到嘅牛舌就掌握得好 咬落去口感好好亦爆曬肉汁 屬於高質牛舌！
講總結就一定要講杯野飲 我同一位朋友都係叫類似嘅飲品（有支雪碧喺上面嘅款）而我女朋友仔同另一位朋友就叫紅色果杯荔枝特飲 其實味道唔錯幾飲特別係杯荔枝 咁我地果杯雪碧其實就冇咩特別你咪當飲雪碧囉都冇咩野不過問題係我地食完之後我同另一位同我飲類似款嘅朋友都有肚瀉 雖然情況唔係嚴重 去多幾次廁所就冇事 不過都希望餐廳留意下個衛生情況 工廈裝修殘舊係好正常所以選擇喺工廈做食店嘅更要留要自己嘅衛生管理總括黎講價錢正常味道都幾好 而且好多特色野食 淨係炸雞都好似有5 6款味道俾人選擇 而且所有野係即叫即整唔係一早整定有人落單先番整 加熱 都值得一試嘅
Post
