Video
Read full review
2022-01-29
69 views
韓式盆菜到會😆有冇人試過食韓國菜過年？我就真係第一次試，好唔錯呀😍今年因為疫情，冇得出街食嘢，所以提前叫到會同屋企人過年。今次嘅到會叫咗炑八韓烤，可謂中韓合壁，以韓國菜為主，加上中式嘅盆菜，非常有創意，既有傳統菜式，又加上大家都鍾意食嘅韓國菜，一舉兩得。盆菜同傳統嘅盆菜差唔多，都有飽魚、蝦、菇、蘿蔔、芋頭，但最特別係加咗條大大塊嘅牛肋骨，仲有煮得好𣺉好入味嘅豬軟骨😍最欣賞呢個盆菜唔會好咸，亦唔會越煮越咸，所有野都啱啱好，煮到最後芋頭吸晒啲汁，真係好正。除咗盆菜之外，套餐仲有泡菜同蘿蔔做前菜，兩大盆前菜酸酸甜甜，食到大家好開胃。之後仲有一盒5磅重嘅大蝦沙律，非常足料同新鮮，10個人都食唔晒。最吸引我嘅梗係炸雞，仲要係酸甜風味，我一個人都食咗5件🤭連好懷疑韓式到會嘅老人家，都話唔錯🤣最後要解決三大盆主食，都真係有難度。兩盆韓式紫菜包飯，一款牛肉，一款鰻魚，各有30件😆兩款包飯都係好傳統嘅韓國菜，另外仲有一盆滿滿嘅韓式炒粉絲，真係好豐盛，啱晒過年。屋企人以為咁嘅到會會好貴，其實$1688已經有12至15人餐，我哋十一個人好努力咁食都食剩好多嘢，第二日都仲可以當一餐食，真係勁足料。未諗到今年食
有冇人試過食韓國菜過年？我就真係第一次試，好唔錯呀😍今年因為疫情，冇得出街食嘢，所以提前叫到會同屋企人過年。
今次嘅到會叫咗炑八韓烤，可謂中韓合壁，以韓國菜為主，加上中式嘅盆菜，非常有創意，既有傳統菜式，又加上大家都鍾意食嘅韓國菜，一舉兩得。
盆菜同傳統嘅盆菜差唔多，都有飽魚、蝦、菇、蘿蔔、芋頭，但最特別係加咗條大大塊嘅牛肋骨，仲有煮得好𣺉好入味嘅豬軟骨😍最欣賞呢個盆菜唔會好咸，亦唔會越煮越咸，所有野都啱啱好，煮到最後芋頭吸晒啲汁，真係好正。
除咗盆菜之外，套餐仲有泡菜同蘿蔔做前菜，兩大盆前菜酸酸甜甜，食到大家好開胃。之後仲有一盒5磅重嘅大蝦沙律，非常足料同新鮮，10個人都食唔晒。
最吸引我嘅梗係炸雞，仲要係酸甜風味，我一個人都食咗5件🤭連好懷疑韓式到會嘅老人家，都話唔錯🤣
最後要解決三大盆主食，都真係有難度。兩盆韓式紫菜包飯，一款牛肉，一款鰻魚，各有30件😆兩款包飯都係好傳統嘅韓國菜，另外仲有一盆滿滿嘅韓式炒粉絲，真係好豐盛，啱晒過年。
屋企人以為咁嘅到會會好貴，其實$1688已經有12至15人餐，我哋十一個人好努力咁食都食剩好多嘢，第二日都仲可以當一餐食，真係勁足料。未諗到今年食咩嘅朋友不妨一試，又方便又好味又足料又有創意😍
Post
