一瀧 (Closed)

居酒屋走江戶時代風格，環境甚有特色，另外仲有2位由福岡嚟嘅師傅坐陣，令人有置身日本嘅錯覺🥰🇯🇵A4宮崎和牛壽喜燒+棉花糖（$488+$40）壽喜燒有別平時加入砂糖做法，以棉花糖取替，既特別又啱打卡；A4宮崎和牛肉味香濃，配日本蛋漿入口滑溜又充滿蛋香😋🇯🇵一瀧唐揚炸三瀨雞（$78）粉漿加入墨汁，賣相呈黑色，口感薄身又夠脆，三瀨雞嫩滑啖啖肉，蘸配醬汁同食好惹味😋🇯🇵雞全翼一夜干（$78）雞全翼以一夜干製法好新穎，口感皮脆多汁，又醃得好夠味，雖然價錢較進取，但試過後會覺得物有所值😌🇯🇵燒鳥：雞頸（$38）🇯🇵燒鳥：月見免治雞肉棒（$48）雞頸肉質煙靭有口感，加少少檸檬汁已好好食；免治雞肉棒燒得唔乾，而且都幾多肉汁，配蛋漿口感更好😌🇯🇵Babble Iced Tea（$68）店員即席於客人面前以氣泡煙槍製作氣泡，氣泡爆開後會變得煙霧離漫及散發陣陣香甜氣息，而味道則清甜似果汁。