道鮨日本料理 (Closed)

早排去佐道鮨慶祝拍拖周年,晚市得一款omakase，所以去到只需放心等食!前菜有高野豆腐，螢光魷魚同埋日本菠菜。螢光魷魚而家時令，一咬即刻食到飽滿嘅魷魚子！當晚刺身有：真鯛、赤貝、八爪魚、牡丹蝦。最特別係牡丹蝦，師傅將部分蝦膏放入蝦身，再輕輕火炙蝦膏，蝦膏變佐好似芝士咁嘅口感，食落好有鮮味，而蝦頭肉就炸佐去整天婦羅，每個部分都物盡其用。壽司12貫有墨魚、梳子魚、小肌魚、青柳貝、膠鰈、汁燒甲魷魚鬚、小長井町蠔、深海池魚、帆立貝、穴子、拖羅以及北海道根室海膽。小長井町蠔真係好正，食第一啖覺得口感creamy，但突然之間會有一下好濃嘅海水味湧岀黎，一隻蠔食到兩種層次，難怪師傅話呢隻蠔有得獎。北海道根室海膽色澤金黃鮮艷，瓣塊大小平均，味道鮮甜到不得了！可惜紫菜唔夠脆，略為扣分。最後有湯、有烏冬、有甜品。湯都好有心思，平時成日都見木魚絲，但今次師傳即席喺我地面前刨木魚絲整湯，新鮮即刨鮮味更突出。omakase有時就係食嗰份體驗，呢度完全俾到我。最後嘅甜品簡直係全晚highlight--有暫時全港個道鮨先可以食到嘅水果--叫做「木瓜蜜瓜」！由長崎木瓜和北海道蜜瓜接枝生成，食落有蜜瓜的香味，但口感像