Video
Read full review
2022-11-23
382 views
2022年11月16日 星期三今晚難得同老婆一齊早收工，於是去咗尖沙咀行下睇燈飾，順便食埋飯先返去經過南洋中心有少少肚餓，咁啱見到呢間餐廳裏面有位置，而且都有幾多人幫襯，冇諗太多就入咗去入到去發現裏面嘅壁畫都好有特色，好似來自唔同國家，呢個時候店員就介紹其實每一幅壁畫都係來自一款餐廳嘅特色飲品，畫入面刻劃左飲品嘅材料同代表嘅國家，冇諗過會咁有心機睇返餐牌咁岩係classic cocktail break，經典cocktail會有優惠，而且食物餐牌都有幾多選擇，小食、串燒同主菜都一應俱全，價錢都唔算太貴，所以我哋揀左幾個小食同意粉，再加特色飲品剛才提到餐廳既特色飲品，除咗壁畫上面有之外，餐廳仲另外整左一個餐牌出嚟，裡面寫得好清楚每款飲品有咩用料同飲品既靈感來源係咩，甚至飲品既味道同期望顧客飲完既感覺都有，想得十分周到我點既正正就係來自日本既ukiyo-e，有茉莉香綠茶既清酒、梅酒、柚子汁等等混合而成，飲落去酒精味唔算濃烈，都幾易入口，酸酸地幾醒胃之後食物就陸續送到，有黃咖喱蟹肉配蒜蓉包，咖喱黎到既時候好香，配埋蒜蓉包食好夾，每一啖都食到有蟹肉，而且唔算太辣，反而越食越惹味添之後有蟹肉龍蝦
今晚難得同老婆一齊早收工，於是去咗尖沙咀行下睇燈飾，順便食埋飯先返去
經過南洋中心有少少肚餓，咁啱見到呢間餐廳裏面有位置，而且都有幾多人幫襯，冇諗太多就入咗去
入到去發現裏面嘅壁畫都好有特色，好似來自唔同國家，呢個時候店員就介紹其實每一幅壁畫都係來自一款餐廳嘅特色飲品，畫入面刻劃左飲品嘅材料同代表嘅國家，冇諗過會咁有心機
睇返餐牌咁岩係classic cocktail break，經典cocktail會有優惠，而且食物餐牌都有幾多選擇，小食、串燒同主菜都一應俱全，價錢都唔算太貴，所以我哋揀左幾個小食同意粉，再加特色飲品
剛才提到餐廳既特色飲品，除咗壁畫上面有之外，餐廳仲另外整左一個餐牌出嚟，裡面寫得好清楚每款飲品有咩用料同飲品既靈感來源係咩，甚至飲品既味道同期望顧客飲完既感覺都有，想得十分周到
我點既正正就係來自日本既ukiyo-e，有茉莉香綠茶既清酒、梅酒、柚子汁等等混合而成，飲落去酒精味唔算濃烈，都幾易入口，酸酸地幾醒胃
之後食物就陸續送到，有黃咖喱蟹肉配蒜蓉包，咖喱黎到既時候好香，配埋蒜蓉包食好夾，每一啖都食到有蟹肉，而且唔算太辣，反而越食越惹味添
之後有蟹肉龍蝦湯脆鍋巴，鍋巴勁脆口，可惜得四塊，如果多啲會更加好，而龍蝦湯好濃郁，一d都唔稀，充滿龍蝦味，仲食到有龍蝦肉添
呢個係龍蝦汁海鮮意大利麵，有好多款唔同嘅海鮮，包括八爪魚、青口、大蝦等等，煮得啱啱好，唔會過熟，大蝦好彈牙，而闊條麵都好有咬口，唔會煮到好腍
最後仲有炭燒墨魚柳，冇諗過上碟嘅時候會有咁大塊墨魚，而且店員已經切開左一片片，燒得好香之餘，仲真係有炭燒既香味，另外可以點醬汁一齊食，味道會更加豐富，有少少辣
最後埋單每人三百幾蚊，尖沙咀來講算係不過不失，的確係第二個地方搵唔到呢一啲特色飲品
Post
