MOMO

Open Now

Now Closed

上兩個星期經開新北江商場，入去行下&搵下野食。在扶手電梯附近見到有間新食店，所以行去望下，原來係尼泊爾餃子。店鋪細細，店員應該係尼泊爾人，開頭仲同佢地講英文，點知原來佢地識講廣東話架小店點都要支持下之後望望餐牌，有4款套餐選擇，因為未試過尼泊爾菜，就揀左豬肉餃子+炸雞+汽水(HK$50)。套餐有2件炸雞，熱辣辣好香口，加左甜辣醬，都幾開胃。主角出場了，原來佢地d餃子唔係用水烚，係用蒸籠蒸的。套餐有10隻餃子，唔算係好大隻。餃子有個醬，唔記得問係乜醬，不過酸酸地，同餃子一齊食都幾岩味道。