漫花燈火OMG (Closed)

同大家推介呢一間叫《漫花燈火OMG》的特色餐廳，呢度唔止餐廳就特色，食物都非常有特色，簡直置身於愛麗絲仙境一般，奇幻得黎又充滿色彩。餐廳喺土瓜灣瑧尚U PLACE2樓，非常易搵，如果同一個你記得就要book位啦！🍝雙式芝士脆片經典千層麵（内含豬和牛肉）呢個千層麵細細件，但味道絕對唔惹少，滋味十足，而且賣相一流，絕對唔可以錯過。千層麵之間夾滿豬肉和牛肉肉醬，面頭加上芝士燒到香脆，每一啖都係經典滋味。而且芝士脆片燒得非常香脆，味道更豐富！🥘慢煮比利時杜洛克橄欖豬鞍伴脆甜番薯條超大件嘅豬鞍扒🐷，肉質非常之柔軟，又腍又易咬，香料嘅份量亦用得非常好，食落去味道非常好，配埋脆脆嘅甜蕃薯條，成道菜都好好味😋！🍨FIKA呢個甜品好有仙境feel，可愛和美麗嘅元素集於一身！成幅插畫咁，靚到唔捨得食！搵嘅部份係豆腐慕絲＋杏仁蛋白脆餅，我哋係抹茶金寶紅豆蓉＋自家製牛奶麻糬，再加埋食用花🌺上去。整個藍天白雲草地立體地呈現喺眼前，簡直係藝術品。😍