龍鳳祥餃子館 (Closed)

今晚係要聽講座，未開始之前，一個人四周圍搵食。平時一個人我多數會食米線，不過今晚唔想食米線，一個人行下行下，見到＜龍鳳祥餃子館＞ 都幾多人食喎，就入去呢間啦。我對餃子都有情意結，平時都中意買餃子番屋企煮麵食。 ＜龍鳳祥餃子館＞ 餐牌簡單易明，以餃子麵食為主。餃子種類多元化，價錢亦大眾化，如果不喜歡吃湯餃子，仲可以加錢轉煎餃。當然除了餃子，仲有各種不同款式的麵食。 今晚我一個人，決定轉攻餃子同小食。我決定食煎餃子，因為平時自己煎既成日失敗，所以有機會，就要出街食。如果轉煎餃要加 $8 同埋僅限10隻淨餃。 我點了＜肉三鮮 (豬肉、韭菜、蝦仁) $45＞，另外加了$5 轉特色蕃茄湯底。另外我仲點了＜千層醬豬耳$25 (小)＞。 ＜肉三鮮 (豬肉、韭菜、蝦仁) $45＞ 煎餃子呢個煎餃子令人驚喜，煎得好好，油不多，夠脆身，能夠帶出煎嘅香味，皮不硬，難怪要等10-15分鐘，真係粒粒都張落足心機去煎。 ＜千層醬豬耳$25 (小)＞千層醬豬耳係另一個讚不絕口的小食！！！呢款豬耳比平時食的有分別，口感更有層次，更豐富；好惹味又唔會只有死咸的味道，細份都已經有好多塊，好夠誠意。 食完之後終於知道店小小