釜之魂釜飯專門店 (淘大商場) (Closed)

今日OT食飯都不忘要幫襯黃店！呢間舖黃到黑，一定要罰佢！今次呢個係Lunch set，包前菜、味噌湯同飲品。釜飯係指日本版既煲仔飯，用木魚高湯並放入唔同材料煮熟。今次呢塊鰻魚真係高質，下午茶賣$78就有一大條鰻魚，魚肉相當厚身。鰻魚本身肉質好滑，魚骨都清得乾淨，應該係用左關東做法(即蒸完再蒲燒)，但我覺得燒得唔夠，不過都OK！鰻魚汁係用大量鰻魚骨熬製，食落係甜，之後有一陣少少酸味，比日本食既鰻魚飯相對清身，無咁濃味。舖頭寫明可以免費加鰻魚汁，唔夠就記得叫店員🥰。飯係用日本珍珠米，雖然無心目中煮到咁煙韌，但可接受！ $78一個平民版鰻魚飯已經唔錯！舖頭係自設養殖場，唔係一般交貨嚟既鰻魚！平時係日本名店度食最少都要HKD200，以$100左右既價錢已經做得好好！