無麵不歡 - 中華私房粉麵 (Closed)

朋友同我都中意麵食，特別是酸辣重口味個種。螺螄粉系我地都中意食既麵食之一，香港唔多舖頭有得食，呢次佢搵左呢間帶我來試下。食店位於女人街旺角威達商業大廈地下，系油麻地A 出口行過來會比較近。我地每人叫左個麵，另外加38蚊任食小食，飲品另外計錢。我要左個柳州螺螄粉，朋友既系桂林米粉。螺螄粉個湯比較清淡，無我想像中酸同濃味，粉都比較軟，本身我系濃味人而且中意比較Q 彈既麵，所以就覺得一般般，中意淡口味既人應該會比較中意。反而朋友個桂林米粉比較啱我口味，因為d 粉比較韌。我覺得小食比較有驚喜，款式都唔少，炸饅頭，炸薯條，黑木耳， 拍青瓜，雞翼尖，長沙黑色臭豆腐，口水雞等等，味道唔錯， 食完仲可以再叫過，但好似系限時1個鐘，所以refill 就趁早。