串串貢 (Closed)

串串貢深水埗元州街18G號富匯居1樓深水埗一向都係美食嘅集中地，成日出開嚟買電腦嘢就會搵下有咩好食，今日見到呢間主打重慶麻辣火鍋嘅小店，好似幾正宗同埋大部份食物都係以串燒形式串好晒，感覺幾新鮮同埋方便，所以就決定入黎試下啦。。。入到黎餐廳，職員安排左我地坐4人卡位，雖然話係食2小時，不過我地掛住傾計搞到過晒時都無趕我地走，值得一讚湯底方面，我地揀左鴛鴦鍋，分別係四川老壇辣酸菜湯拼沙嗲鍋，最鐘意鍋入面好足料，有好多酸菜絲，辣度適中又唔會太酸味道岩岩好，而沙嗲鍋味道非常濃郁，離遠已經聞到香味撲鼻，配埋肉類食就岩晒火鍋配料方面，餐廳會安排一份海鮮拼盤，分別有海蝦，青口同埋大蜆都幾新鮮，其他既配料就係自取既，全部放晒係雪櫃到都幾企理，而且餐廳都refill 得好快，見到無晒嘅食物好快就會添加，其中好多食物餐廳已經預先串好左，原來咁樣都幾方便，一串串咁食，唔驚放左落個鍋到搵唔返