臥龍正宗成都麻辣火鍋 (Closed)

今次第二次去呢間食！第一次選擇都係open rice search 火鍋，無意中發現，而咁啱又有位！第一次食有驚喜，首先係個湯底，做到一個個麻雀樣，原來係辣膏，會慢慢溶左變成麻辣湯底。如果怕食辣朋友都唔緊要，因為中間會有一個湯底係唔辣，要食菜時候都唔怕啲菜吸晒辣湯，到時連菜都食唔到！！食物新鮮，半隻雞，煮耐左都唔怕過火，仍然鮮嫩。叫左一份牛（唔記得名）都幾特別，黎到好似肥糕，其實唔係，口感係爽既！其實最緊要唔會有限時，可以慢慢食慢慢傾。環境尚可，但地毯需要換過新比較好，洗手間可以再整潔多啲