揀得啱車仔麵 (Closed)

今日去接朋友收工，去到中上環，但係一到夜晚好多餐廳都收晒，得返啲貴價嘅西餐廳，最後俾我哋搵到一間平靚正車仔麵。雖然開喺上環，但係價錢都好合理，車仔麵連嘢飲都係$50左右，亦都有好多餸可以簡。特別推介極品牛腩條，已經煮好淋又好入味，食材非常之新鮮，連蘿蔔都好甜。除咗車仔麵，仲有唔同嘅飯，價錢亦都唔貴，但係出品都好高質素。鍾意食辣嘅人，可以試吓佢哋嘅205辣醬，同埋麻辣鴨血，非常之入味。環境好乾淨，睇得出老闆好比心機去裝修。喺中上環返工嘅打工仔，得閒可以試吓。