型點特色點心專門店

Open Now

Now Closed

捐窿捐罅去咗大埔搵食，去咗間特色嘅點心小館！荷葉籠仔海味臘腸排骨飯，啲飯吸收晒荷葉嘅清香，加上海味、臘腸同排骨嘅香味，真係好惹味！粒粒飯都分明，唔會太濕或者太乾，調味啱啱好！蝦餃皇大大粒，皮薄餡靚，蝦又爽口。必點推介酥皮焗叉燒餐包😍個包焗得好鬆軟，酥皮香脆，入面嘅叉燒餡甜甜哋，好滿足！脆皮紅米蝦腸就更加特別！外面係煙韌嘅紅米腸粉，包住新鮮爽口嘅蝦，入邊炸到脆脆。鮮魷土豆粉，土豆粉滑溜溜，配上爽口嘅鮮魷，蒜蓉味好香。