心煱 (Closed)

中午時份與同事路經太子，係時侯要食午飯，見呢間心鍋主推特色點心，我地決定試下原來呢間餐廳早上和午市，晚上則是火鍋，所以每張檯都裝有電磁爐，點心紙上選擇都很多，和一般酒樓無異，我地立即剔選然後等食水晶蝦餃可以逐隻點，我地當然點兩隻，蝦餃皮薄蝦肉爽口，而且無重味精味，必點百花卷是紫菜包裹墨魚膠，墨魚膠夠晒彈牙，這個特色點心，出邊未必吃到，正。流沙包，當然是奶黃，內裡饀料果然非常流沙，有水準冬蔭功鮮竹卷，汁是冬蔭功味，不算太辣，比起一般鮮竹卷更惹味牛肉腸，腸粉即拉很滑，難得牛肉沒有莞茜，啱晒我食鮮蝦腐皮卷，腐皮炸得香脆唔韌，蝦肉同樣爽口甜品叫左椰汁西米糕，雖然不是什麼特色野，但味道拍得住泰國餐廳，下次試埋千層糕埋單每人$80有找，樣樣點心都好食，下次再到此區一定再試埋其他款式。