Video
Read full review
2022-12-07
310 views
行開紅磡，搵地方下午茶， 見到茶木台式休閒餐廳， 知道有好多間分店， 試下好唔好食先。😋 下午時候人不多， 座位舒服 ，餐牌印得精美漂亮，菜色好多選擇， 聽朋友講甜品好有特色 ，一定要試 。💪行街行到好肚餓，於是就叫左古早杏鮑菇三杯雞配地瓜米粉， 紅蔥地瓜燉冇骨牛腩配地瓜米粉。 又叫咗台式滷味拼盤， 甜品就叫咗朱古力曲奇蜜糖軟磚塊 ，飲品就係熱嘅mocha ，同埋水蜜桃花果茶。紅蔥地瓜炆無骨牛腩 配地瓜米粉上菜的器皿好特別 ，用白色瓷碗套裝，下面有火㷫住， 整個感覺高級咗好多， 好特別的配搭。 地瓜即係番薯 ，係最健康嘅食物之一， 台菜經常用到番薯， 可見佢哋係追求健康嘅食店，冇骨牛腩 炆得好林， （我以為牛腩一定係冇骨）😛 味道偏甜， 同埋有好多牛筋 ，地瓜米粉就好好食 ，同平時食開嘅廣東米粉好唔同， 好煙韌 ，湯底好好味， 再加上兩舊甜美嘅地瓜 ，足夠飽肚。😋古早杏鮑菇三杯雞配地瓜米粉 不嬲都鍾意食三杯雞， 因為鍾意嗰啲香料， 特別係九層塔嘅香味 ，再加上有杏鮑菇更加鍾意。 三杯雞燜得好夠味 ，好多肉 ，特別鍾意入面加有紅椒 ，青蔥， 薑蒜 ，令整個菜都好惹味。台式滷味拼盤 鹵水食
3 views
0 likes
0 comments
行街行到好肚餓，於是就叫左古早杏鮑菇三杯雞配地瓜米粉， 紅蔥地瓜燉冇骨牛腩配地瓜米粉。 又叫咗台式滷味拼盤， 甜品就叫咗朱古力曲奇蜜糖軟磚塊 ，飲品就係熱嘅mocha ，同埋水蜜桃花果茶。
紅蔥地瓜炆無骨牛腩 配地瓜米粉
上菜的器皿好特別 ，用白色瓷碗套裝，下面有火㷫住， 整個感覺高級咗好多， 好特別的配搭。 地瓜即係番薯 ，係最健康嘅食物之一， 台菜經常用到番薯， 可見佢哋係追求健康嘅食店，冇骨牛腩 炆得好林， （我以為牛腩一定係冇骨）😛 味道偏甜， 同埋有好多牛筋 ，地瓜米粉就好好食 ，同平時食開嘅廣東米粉好唔同， 好煙韌 ，湯底好好味， 再加上兩舊甜美嘅地瓜 ，足夠飽肚。😋
古早杏鮑菇三杯雞配地瓜米粉
不嬲都鍾意食三杯雞， 因為鍾意嗰啲香料， 特別係九層塔嘅香味 ，再加上有杏鮑菇更加鍾意。 三杯雞燜得好夠味 ，好多肉 ，特別鍾意入面加有紅椒 ，青蔥， 薑蒜 ，令整個菜都好惹味。
台式滷味拼盤
鹵水食物係我嘅至愛， 拼盤包括有 ，雞翼 ，五花腩， 豆腐，金錢肚， 仲有兩塊好淋好大塊嘅牛展， 有啲炸花生喺底。 上面仲有半個好靚橙色嘅溏心蛋， 加一條綠色芫茜裝飾， 成個菜個樣好醒目，啲鹵水仲好好味添。👍👍
Mocha和水蜜桃花果茶
食飽梗係要飲杯嘢， 我下晝鍾意飲咖啡，所以叫咗杯熱mocha ，濃香嘅朱古力味同埋咖啡味混合， 再加上軟滑嘅泡沫， 飲到好滿足。 honey就叫咗水蜜桃花果茶 ，有個好靚嘅壺同埋杯，仲有一杯蜜糖自己落 ，杯花果茶好靚 ，見到就開心。💕
朱古力曲奇蜜糖軟磚塊
睇相就好鍾意呢個甜品， 堆到成座山咁高， 個底係厚多士做的磚塊， 中間係軟淋淋嘅， 多士上面放咗一嚿雪糕 ，雪糕上面又有好多cream ，表面再加好多朱古力碎 ，旁邊裝飾咗士多啤梨， 整個甜品係一個好華麗嘅畫面 ，食落非常香甜豐富 ，好佩服廚師嘅創意 ，整到個樣吸引味道又好正 ，勁讚👍。
Post
