Video
Read full review
2023-02-01
98 views
🔸Mansons Lot🔸灣仔🔸Cafe酒吧🔸同朋友相約係灣仔食飯，今次我地就揀左呢間係汕頭街嘅街角隱世咖啡店！餐廳以文青系，有黑膠做擺設，又有開揚露天位，好適合同朋友黎chill住飲茶飲酒 ！✴️ Avocado Deluxe （牛油果至尊捲餅）餐廳其中最出名係佢嘅 All Day Breakfast同Crepe，所以作為牛油果熊，我就毫不猶豫揀咗呢一個鹹點crepe～ 佢係有牛油果、厚切煙三文魚，同埋Ricotta Cheese三樣卷埋，配上軟熟、蛋香味濃嘅Crepe～ 個煙三文魚煙熏味好香，魚嘅質感亦都好豐富，同一般食到嘅煙三文魚唔同！芝士嘅口感我會形容係好fluffy，所以四樣材料包埋我覺得好特別，好似食緊Cream又唔係咁樣，好好味～佢另外會配上沙律同埋意大利醋，所以都好健康～✴️ Chicken and Soft Cheese Risotto with Tomato （軟芝士配雞胸蕃茄意大利飯）意大利飯飲粒粒粒分明，配上忌廉同軟芝士都啱意大利口味～ 雞胸份量多，都幾多塊，飯入面又有蕃茄同翠玉瓜，感覺好balanced ～味道調味幾好，加上由我朋友最鍾意食嘅火箭菜！我哋兩個女仔s
同朋友相約係灣仔食飯，今次我地就揀左呢間係汕頭街嘅街角隱世咖啡店！餐廳以文青系，有黑膠做擺設，又有開揚露天位，好適合同朋友黎chill住飲茶飲酒 ！
✴️ Avocado Deluxe （牛油果至尊捲餅）
餐廳其中最出名係佢嘅 All Day Breakfast同Crepe，所以作為牛油果熊，我就毫不猶豫揀咗呢一個鹹點crepe～ 佢係有牛油果、厚切煙三文魚，同埋Ricotta Cheese三樣卷埋，配上軟熟、蛋香味濃嘅Crepe～ 個煙三文魚煙熏味好香，魚嘅質感亦都好豐富，同一般食到嘅煙三文魚唔同！芝士嘅口感我會形容係好fluffy，所以四樣材料包埋我覺得好特別，好似食緊Cream又唔係咁樣，好好味～佢另外會配上沙律同埋意大利醋，所以都好健康～
✴️ Chicken and Soft Cheese Risotto with Tomato （軟芝士配雞胸蕃茄意大利飯）
意大利飯飲粒粒粒分明，配上忌廉同軟芝士都啱意大利口味～ 雞胸份量多，都幾多塊，飯入面又有蕃茄同翠玉瓜，感覺好balanced ～味道調味幾好，加上由我朋友最鍾意食嘅火箭菜！
我哋兩個女仔share一個飯同埋一個可麗卷餅，就剛剛好，而且可以試吓餐廳嘅拿手菜式，幾新鮮幾特色～
我地再每人叫左個飲品，朋友鍾意飲茶，就要咗個茉莉花茶～有紅色小茶壺，自己加落茶杯度，保持溫度～
我就叫左餐廳另一個特色、有咖啡嘅調酒，Expresso Martini～
咖啡味超香，加上酒精令人一試難忘，而且可以慢慢享受咖啡香味同埋甜度喺口腔運轉，作為調酒嚟講非常適合女仔飲～另外加上幾粒咖啡豆作點綴，同埋一開始佢有啲綿密香口嘅泡喺調酒上面，所以又多咗一重享受～
整體黎講我地都好enjoy個dinner，氣氛好舒服，文青系咖啡店但有調酒飲，好適合黎吹水休息下💕
Mansons Lot (汕頭街)
網上訂座即賺Rice Dollars
網址: https://s.openrice.com/QrbS0arKA00~uZ5MGAA
地址: 灣仔汕頭街1-3號地下
電話: 23621899
=====================
#mansonslot #wanchaifood #wanchaifoodie #灣仔美食 #灣仔cafe #灣仔好去處 #灣仔餐廳 #cafe #cafe&bar #crepe #avocado #親民cafe #特色餐廳
Post
