入麵 (Closed)

一間好似唔起眼既餐廳，但入面好舒適，店員服務非常有熱誠，叫左個牛魔王湯麵，麻辣湯底，湯沒有味精，好濃香 ，牛肉超滑，再配糖心蛋，店員話係牛滑，所以特別滑，好味，再叫左餃子，餃子有菜肉餃，冬菇餃，韮菜餃，餃子唔係全肥肉，用新鮮豬肉，咬落香滑實口，好新鮮，另一特色食物，炸薯條，用蕃薯炸薯條，超甜外脆內淋，千其唔用點茄汁，因為就咁食已經好好食。再介紹下杯飲品，藍碟咖啡，顏色好特別，其實係冇咩特別味，只係純粹靚，咖啡都好香滑。甜品叫左個雪之布朗尼，如果喜愛榴槤可以叫，但我叫左益力多，餅底脆軟同時出現，正。