Villa Villa

Open Now

Now Closed

已經第二次再食呢間店舖🫢，因為呢間真係大份又抵食。因為有上一次嘅經驗，所以今次我哋四個人都只係叫咗兩個主食，一個小食同各自既嘢飲🍹店員好好，即是我哋只係叫咗兩個主食，佢都俾咗四人份量嘅竹炭包我哋。🍕意大利辣肉腸車厘茄配墨魚汁餅底pizza滿瀉既蕃茄醬同芝士鋪滿表面，上菜時熱辣辣香噴噴，芝士可以微拉斯🧀 Pizza底薄脆，再配上辣肉腸同蕃茄仔配搭一流。🍝虎蝦茄汁扁意粉食之前一定要撈勻，因為汁都係底到，如果直接食味道好淡，所以建議每次食之前都撈一撈令到汁可以平均。🍟黃金炸薯條條條薯條都佔有鹹蛋黃，條條都好惹味，唔會一條好重味一條好淡，做得好平均。推介👍🏽☕️🧊冰釀咖啡杯入邊有一個大冰再加咖啡，咖啡好香，咖啡味濃唔會話因為有個大波冰而令到咖啡變淡。呢間店嘅座位有分indoor 同outdoor，自己覺得outdoor嘅位置比較闊落，如果indoor 嘅話就比較迫。