大榮樺

Open Now

Now Closed

午餐時間有限，一般都選擇一啲快嚟快去嘅快餐，今日有多少少時間，決定挑戰每次行過都好多人排嘅大榮樺。都已經係比一般午飯時間早到，最後都要等20分鐘，齋睇個餐牌都明白點解咁吸引，價錢比附近嘅快餐廳高一點點，不過包餐湯、主菜同飲品。哩一味係慢煮話梅豬手，的確份量比其他餐少，不過味道好特別，又酸又甜，豬手都好淋。到西冷牛排，由點餐到牛排到都真係同餐牌上寫咁，要半個鐘先到，不過物有所值，牛排真係好好食，喺無血淋淋嘅情況下，都可以好嫩口。蜜糖芥末鴨胸都係推介之選，熱辣辣咁上，又嫩口又大份量。喺時間鬆動之下，大榮樺係大埔午餐嘅強烈推介。