巧得鍋 (Closed)

觀塘入面好有驚喜嘅雞煲午餐，座位寬敞坐得舒服，仲有wifi同差電位，服務態度又超好，性價比十分高。上坐低就送上好濃郁嘅玄米茶同沙律🥗。揀左招牌雞煲二人餐 $168招牌雞煲(半隻）辣度揀咗BB辣，整個雞煲花椒八角洋蔥等配料落到足，醬汁味道濃郁惹味，辣辣哋又帶少少麻，雞肉口感夠滑而且入晒味超正，醬汁拎嚟撈飯食一流。蒜蓉娃娃菜大大碟夠晒兩個人食，蒜蓉味道夠香濃，娃娃菜夠新鮮食落夠鮮甜。檸檬青蘋果特飲（跟餐+15）第一杯特飲由青蘋果蓉、檸檬、薄荷葉調製，味道鮮甜帶有檸檬同青蘋果嘅微酸，爽度十足。鮮果特飲（跟餐+15）第二杯就用奇異果蓉、鮮雜果、薄荷葉調製，果味濃郁，仲有粒粒雜果肉，香甜美味。