紅磡冰室 (Closed)

今日lunchtime過左去北角呢邊食lunch，黎到一點鐘左右門口都有幾堆人排隊，但好快我地就入到去坐喇。第一次黎呢度食lunch，同事好快就已經諗到要食特餐，所以我都跟風一齊揀常餐B。個餐我揀左豬扒炒出前一丁，蒜蓉包同埋炒蛋。炒蛋同蒜蓉包上見，個包熱辣辣幾脆幾好味。食到一半就出前一丁就到喇，豬扒夠大塊，係抵食嘅。而個麵味道亦都唔錯。份量都幾多其實我食到一半已經飽飽地，下次會試下瑞士雞翼撈公仔麵。