Video
Read full review
2018-01-28
340 views
個幾星期之前，大少同我講話有個好消息，終於都到佢升職喇！咁開心就梗係要賀一賀佢啦！因為我哋兩個都鍾意食海鮮，今次就訂左呢一間餐廳試吓，其實之前上網睇到呢間餐廳啲資料都好想試，但係都估到香港人最鍾意一窩蜂試新野，所以就諗住遲啲先再過嚟食。點知道，原來過咗咁耐呢度都仲咁多人，我估應該真係好味掛，因為佢嘅價錢都算係中價㗎！雖然訂左八點半，但係可能因為星期五啦，真係太多人食飯，所以都等左一陣先有得入座。一心就係諗住嚟食呢一個海鮮拼盤，點知睇睇下個餐牌又有好多野想食，所以就決定樣樣叫啲喇！呢一個海鮮拼盤，我哋就揀咗長腳蟹腳、扇貝同埋蝦。由於今日係慶祝大少升職，所以都俾佢揀啲佢鍾意食嘅嘢啦。平時我都唔係好鍾意食生蠔，但係今次我真係好驚喜！問下職員叫佢哋介紹下有邊隻好食，我哋話想要甜啲又有少少海水味，佢就介紹咗呢兩款俾我哋。分別係Imperial 同埋Carina，我就唔係好識食蠔，但係隻Carina真係做到有少少海水味之餘，個after taste係甜嘅另一個頭盤，就係和牛他他，我本身都好鍾意食他他，但係今次就覺得啲牛有少少靱，但係大少又話覺得ok ，可能真係個人口味啦！飲品方面我哋就叫咗兩杯Mo
因為我哋兩個都鍾意食海鮮，今次就訂左呢一間餐廳試吓，其實之前上網睇到呢間餐廳啲資料都好想試，但係都估到香港人最鍾意一窩蜂試新野，所以就諗住遲啲先再過嚟食。點知道，原來過咗咁耐呢度都仲咁多人，我估應該真係好味掛，因為佢嘅價錢都算係中價㗎！
雖然訂左八點半，但係可能因為星期五啦，真係太多人食飯，所以都等左一陣先有得入座。
一心就係諗住嚟食呢一個海鮮拼盤，點知睇睇下個餐牌又有好多野想食，所以就決定樣樣叫啲喇！呢一個海鮮拼盤，我哋就揀咗長腳蟹腳、扇貝同埋蝦。
Oysters
15 views
1 likes
0 comments
由於今日係慶祝大少升職，所以都俾佢揀啲佢鍾意食嘅嘢啦。平時我都唔係好鍾意食生蠔，但係今次我真係好驚喜！問下職員叫佢哋介紹下有邊隻好食，我哋話想要甜啲又有少少海水味，佢就介紹咗呢兩款俾我哋。分別係Imperial 同埋Carina，我就唔係好識食蠔，但係隻Carina真係做到有少少海水味之餘，個after taste係甜嘅
Wagyu tartar
23 views
0 likes
0 comments
另一個頭盤，就係和牛他他，我本身都好鍾意食他他，但係今次就覺得啲牛有少少靱，但係大少又話覺得ok ，可能真係個人口味啦！
飲品方面我哋就叫咗兩杯Mocktail (第二日一早要起身行山，無得飲酒），我呢杯就係Asian punch ，而大少果杯就係 Tuscany sun 。
Fish and Chips
17 views
0 likes
0 comments
之後就叫咗個Fish & chips，全因為我好想食薯條，一上菜見到係曲條我就更加開心！特別之處係佢有個檸檬牛油醬，比較杰身啲，但用嚟點炸嘢食都幾好食，啲檸檬好鬼香！他他醬就偏甜左少少。啲魚都炸得唔錯，粉漿唔會好厚，但放耐小小就有出油嘅情況。所以一定要趁熱食！
呢間鋪頭有度細心嘅就係，準備好條圍裙俾你，等你食海鮮嘅時候用就唔會整污糟件衫！我呢啲潔癖怪就梗係要用啦，仲俾大少笑咗成晚😒
Seafood platter
46 views
0 likes
0 comments
Seafood platter
47 views
0 likes
0 comments
主角到啦！ ！我哋揀咗檸檬牛油汁嘅海鮮拼盤，一打開啲香味勁到呢！尤其是啲粟米，未打開個袋都聞到佢啲甜味！除咗海鮮之外，入邊仲有啲薯仔同埋粟米，所以真係唔使怕會唔飽。
啲蝦就普通啦，個扇貝就幾大隻，而我最愛嘅牆腳蟹都好鮮味，其實佢可以加錢有個麵包可以點啲汁嚟食，但係我覺得有咁多薯仔同粟米都夠飽啦，所以就冇叫到。食食下就後悔，因為啲汁真係好好味⋯⋯
Trio icecream
29 views
0 likes
0 comments
食完明明已經好飽，但係大少死都話要叫個甜品share 。是但啦，今日佢話事！就嗌咗個最唔飽肚嘅雪糕，佢都有啲唔同嘅味道可以揀，我哋揀咗雲呢拿、海鹽同埋芝麻。我食唔到個海鹽有咩海鹽味，但係個芝麻都幾香濃嘅！
食咗滿足嘅一餐，大少你就要俾心機繼續努力，期待你下一次升職再請我食好嘢啦！
Post
