狂野麻神麻辣火鍋 (Closed)

火鍋之友帶我去 #尖沙咀 嘅狂野麻神食台式麻辣火鍋！地點喺尖沙咀Isquare 對面。餐牌主打台灣麻辣火鍋，除左招牌麻辣鍋仲有花膠鍋；台式食物台式鴨血、千層豆腐、手打貢丸等！裝潢以黑灰型格風，卡位濶落舒適！🔥狂野海鮮二人餐 $288/位 🥣我地揀麻辣鍋鴛鴦湯底 - 麻神麻辣湯同冬瓜瑤柱湯；麻辣湯頭以藥材秘製，入口惹味香麻順喉，配料鴨血同凍豆腐；冬瓜瑤柱湯清香味濃，入口滋潤！🥩牛肉盛：有牛頸脊、牛胸爽、牛根膜、一口牛同封門柳；牛頸脊油脂均勻，色澤亮麗！封門柳肉質紥實香口，一口牛肉味香濃、牛胸爽口感爽脆！牛筋膜職員建議煮30分鐘以上，煮後肉嫩口感有D似牛腩。🦐海鮮拼盤：有新鮮鮑魚、北海道大元貝、海蝦、大蜆同花甲等；鮑魚鮮味彈牙，海蝦扎實爽口、大蜆肉鮮甜，全部海鮮都好新鮮！🥟精選火鍋配料：有自家手打貢丸；可愛嘅花花造型，口感軟嫩，香菇滿滿，好食！🥬七色菜籃：有生菜、蕃茄、南瓜、粟米、冬菇同金菇等，新鮮爽脆！🍜烏龍麵：最後食返個烏龍麵，口感爽彈帶點煙韌，十分完美！🧋飲品點了水果菜，清甜可口又有多種水果，仲可解辣！狂野麻神麻辣火鍋 地址📍：尖沙咀北京道71-77號誠信大廈2樓