Video
Read full review
2024-04-24
71 views
《安平燒肉 - 旺角》每次想食燒肉，都必定會諗到呢間大件夾抵食既台式燒肉放題餐廳，除左放題套餐入面既野食之外，餐廳入面自助吧既飲品同熱食全部都可以任飲任食120分鐘架😉今次我同朋友就選擇左M5和牛餐，呢個餐入面有多達104款任食食品可以叫，仲有我最愛嘅牛舌可以瘋狂咁食🫶🏻由於呢間餐廳我已經食過好幾次，所以有幾款必食嘅東西可以推薦一下💁🏻♀️自助吧任飲冷萃茶每次過嚟食飯都會睇睇當日嘅飲品櫃入面有咩茶，之前我最鍾意佢嘅白桃烏龍，唔知係咪季節限定呢，唔係每次嚟都會見到，而今次就有無糖百香果綠茶，飲落清香，不過放心，唔甜的😉佢只有百香果嘅香味，飲多幾支都唔會滯😉另外code落單仲會有手搖飲品，今次我試咗佢個火龍果綠茶，呢一款就有落糖啦，不過飲到火龍果肉同埋茶香，我覺得都值得一試💁🏻♀️嚴選牛舌芯呢一個厚切牛舌雖然唔係任食的，但係如果叫咗M5和牛餐就每人會有兩件喺頭盤送上，我個人覺得厚切牛舌食落更有質感同埋有牛肉味，如果之後再想食就要加錢啦，不過仲有咁多任食嘅肉類，我就覺得留返quota試其他嘢好啦💁🏻♀️鹽蒜燒生蠔佢呢度嘅生蠔唔可以即食，要放喺燒烤爐上面先至熟透先可以食㗎，個蠔嘅質量唔錯，原個
每次想食燒肉，都必定會諗到呢間大件夾抵食既台式燒肉放題餐廳，除左放題套餐入面既野食之外，餐廳入面自助吧既飲品同熱食全部都可以任飲任食120分鐘架😉今次我同朋友就選擇左M5和牛餐，呢個餐入面有多達104款任食食品可以叫，仲有我最愛嘅牛舌可以瘋狂咁食🫶🏻由於呢間餐廳我已經食過好幾次，所以有幾款必食嘅東西可以推薦一下
💁🏻♀️自助吧任飲冷萃茶
每次過嚟食飯都會睇睇當日嘅飲品櫃入面有咩茶，之前我最鍾意佢嘅白桃烏龍，唔知係咪季節限定呢，唔係每次嚟都會見到，而今次就有無糖百香果綠茶，飲落清香，不過放心，唔甜的😉佢只有百香果嘅香味，飲多幾支都唔會滯😉另外code落單仲會有手搖飲品，今次我試咗佢個火龍果綠茶，呢一款就有落糖啦，不過飲到火龍果肉同埋茶香，我覺得都值得一試💁🏻♀️嚴選牛舌芯
呢一個厚切牛舌雖然唔係任食的，但係如果叫咗M5和牛餐就每人會有兩件喺頭盤送上，我個人覺得厚切牛舌食落更有質感同埋有牛肉味，如果之後再想食就要加錢啦，不過仲有咁多任食嘅肉類，我就覺得留返quota試其他嘢好啦💁🏻♀️鹽蒜燒生蠔
佢呢度嘅生蠔唔可以即食，要放喺燒烤爐上面先至熟透先可以食㗎，個蠔嘅質量唔錯，原個殼送上直接放喺燒烤爐上，烤到佢嘅蠔汁滾燙就可以食啦，我朋友瘋狂地食呢個生蠔，不過整嘅時間要耐少少，不妨叫多幾件慢慢放喺烤爐旁邊慢慢烘熟💁🏻♀️薄切牛舌
又係牛舌，佢呢度嘅牛舌雖然薄身，但係只要輕輕燒至兩邊金黃色就可以食啦，絕對係快靚正嘅選擇，當晚我最少食咗15片牛舌😉可以點岩鹽又或者檸檬汁調味，呢一個絕對可以瘋狂咁叫，超級推介
💁🏻♀️澳洲M5和牛
食得呢個餐就梗係狂叫M5和牛啦，肉質軟嫩，點少少岩鹽食就已經好好味，油脂分布平均但又食到肉味💪🏻必食💁🏻♀️ S R F極黑一口牛
自從有個朋友推薦我食S R F極黑牛之後，我慢慢都愛上咗食呢個品種嘅牛，性價比極高，而且肉味同油脂分布平衡拿捏得好好，一口牛只要燒到六成熟就可以啦，如果燒得太熟反而會有啲韌，但係佢嘅油分充足所以一食爆油💁🏻♀️安格斯牛小排
同樣都係食佢嘅油香，不過美國牛嘅好處係佢啲肉普遍都比較軟身，兩面各燒10秒其實就差唔多啦，可以試吓配搭安平燒肉嘅黃金醬調味，食落美味酸甜幾開胃，令到牛小排食起上嚟冇咁油膩👍🏻💁🏻♀️自助吧燒菠蘿
每次嚟到必食，佢就喺自助吧入邊任拎的，我覺得菠蘿經過燒烤後更加激發到佢嘅糖分，面層焦糖化咗之後熱辣辣，入口爆汁而且好甜😎一邊食肉再食幾片菠蘿消滯解膩😉同樣係必食最後最後，埋單嘅時候每個人都會奉上一杯雪糕，我就梗係揀Häagen-Dazs啦😘
但係其實佢個自家製仙草都好好食㗎💪🏻兩個鐘任食時間充足而且上菜都好快，絕對係我同朋友gathering嘅其中之一最愛地方
Post
