十八座狗仔粉

Open Now

Now Closed

-呢間我間唔中都會光顧一下，因為有時候唔知食咩好。🤣呢一間狗仔粉最出名，我以前都好鍾意食，但係依家質素真係越嚟越差，因為個粉煮得實在太腍，有時候會變咗一坺嘢咁，反而我而家鍾意食其他嘢。魚肉翅味道同平時嗰啲碗仔翅差不多，味道唔使落醋都少少偏酸，要讚吓佢真係好足料，另外鍾意叫火鴨脾配合食，火鴨脾都好juicy，啖啖肉幾好食。黑白炸丸炸丸即叫即整，一咬入去熱辣辣，出面加咗辣粉，丸方面本身都醃過，丸芯仲有肉汁，唔會成粒乾爭爭，墨魚丸都有少少彈性，所以係我平時必點。豬油渣今次炸得太過，中間要燒焦少少苦味。Ps: 辣菜脯真係好好好好好辣，加少少就夠，但我嫌佢只得辣味，所以放棄，如果鍾意食辣可以加。