Common Ground

Open Now

Now Closed

呢個位置有兩間cafe，有唔少外國人喺到放狗飲咖啡。Common ground採取半開放式設計，秋天可以感受涼意，夏天/冬天都應該會出大汗/凍冰冰。户外座位喺斜坡，枱凳雖有磚頭平衡，但始終未係水平，要好小心。*Avocado toast $105多士鋪上切片牛油蛋，牛油果新鮮夠香，但多士略為普通。放上溫泉蛋，刨一層菲達芝士、鹹蛋黃碎。溫泉蛋黃完美流心，但配軟腍嘅牛油果，腍上加腍，口感麻麻地。芝士唔會太腥，但食唔出鹹蛋黃味。Egg benedict $105英式鬆餅脆而唔乾，煙三文魚表面燒至半熟微焦，帶魚油香。放上溫泉蛋，淋上荷蘭醬，再輕輕燒至焦香。荷蘭醬份量啱啱好，加上整體帶煙燻、焦香味，令整件事唔會好膩。Latte $44咖啡偏酸，帶玫瑰、橙香。比較細杯，奶泡細膩，有少少硬。