Route 99 (Closed)

今日同朋友嚟咗南澳海旁食晏，見到呢間American diner 餐廳好特別，仲有狗狗係入面，就行入去試下。裝修係行舊式美國餐廳風，仲有好多打卡位呢。佢哋仲係寵物友善，一餐飯已經見到4隻可愛嘅狗仔！下午有weekday lunch set，不過我哋想散嗌，價錢就cafe價，嗰邊嘅餐廳都係咁嘅價錢。流心蘭王蛋美國安格斯牛肉漢堡（$168）- 賣相滿分！隻流心蛋實在太吸引了，仲有個安格斯牛肉漢堡扒又厚身口感又好，上面仲有芝士。加埋生菜、蕃茄同紫洋蔥，好新鮮爽口。拌碟有沙律同薯條，薯條好脆身，食完都飽。63C 温泉蛋卡邦尼亞意粉拌巴馬臣芝士脆片（$158）- 個意粉好creamy，最吸引一定係個温泉蛋，個蛋汁好香，而煙肉又多，值得叫。玫瑰鮮奶咖啡（$38） - 玫瑰味好重，但又唔會蓋過咖啡嘅甘，同埋幾大杯，唔錯。