Dan Ryan's Chicago Grill (利東街) (Closed)

帶住小狗去附近睇獸醫，隨便搵一間餐廳食個午餐，見到有outside seating 的餐廳又可以帶狗入，唔駛等位，所以就就衝左入去試試。一坐低有水有餐包，餐包暖暖的，連狗仔都可以分享，好開心。我地一共叫左4份午餐，第一味係烤雞配薯條，烤雞有點乾身，口感好老好硬，味道麻麻。薯條還可，脆脆的，但可能無落鹽，完全無味。第二味係漢堡配薯條，包入面塊漢堡牛扒硬而老，石頭咁，食唔到。第三味係薈飯，呢個就正常，味道唔錯。最後一味意粉，個汁好出色，有海鮮味，意粉質感唔錯，加分。總結食物方面，飯同意粉係ok嘅，肉類就有d伏味。午餐來講，服務好好，坐得好舒服，空間好大，pet friendly係優點，下次會再來食，試多幾款菜式。