Video
Read full review
2022-03-26
923 views
依排有時間，可以寫返之前同Blue🐶去Staycation時去過邊到玩～港島區真係特別多Pet Friendly 嘅地方同餐廳！今次就去淺水灣~ The Pulse 係一個可以俾狗狗入去嘅商場，雖然地方唔算大，但有個冷氣地方俾狗狗入去行，喺香港已經係好難得嘅事！地下嘅餐廳，因為有露天位，所以大部分都可以帶狗狗去食，而商場入面就有一間熱狗店可以帶埋佢入去～位置唔算太多，但有Dog Parking，價錢方面，老老實實，預得俾狗狗入嘅地方多數都貴啲，所以喺香港養大狗，真係一啲都唔易！HUSKY 雪橇犬 $78Frankfurter, Coleslaw, Pickles, Truffle Mayo, Brioche（法蘭克福香腸．椰菜沙律，醃黃瓜，松露蛋黄醬，法國牛油包）見到有Husky，當然要叫返個試吓！不過餐牌明明寫係用牛油包，但最後出到黎係用咗熱狗包。味道都算幾好，但法蘭克福腸比較細條，上面加咗好多沙律菜，所以感覺有少少單調。Triple Cheese Baked Potato $58Parmesan, Cheddar, Mozzarella（三重芝士焗薯 -巴馬臣芝士，車打芝士，水牛芝
依排有時間，可以寫返之前同Blue🐶去Staycation時去過邊到玩～港島區真係特別多Pet Friendly 嘅地方同餐廳！今次就去淺水灣~ The Pulse 係一個可以俾狗狗入去嘅商場，雖然地方唔算大，但有個冷氣地方俾狗狗入去行，喺香港已經係好難得嘅事！地下嘅餐廳，因為有露天位，所以大部分都可以帶狗狗去食，而商場入面就有一間熱狗店可以帶埋佢入去～
位置唔算太多，但有Dog Parking，價錢方面，老老實實，預得俾狗狗入嘅地方多數都貴啲，所以喺香港養大狗，真係一啲都唔易！
HUSKY 雪橇犬 $78
Frankfurter, Coleslaw, Pickles, Truffle Mayo, Brioche（法蘭克福香腸．椰菜沙律，醃黃瓜，松露蛋黄醬，法國牛油包）
見到有Husky，當然要叫返個試吓！不過餐牌明明寫係用牛油包，但最後出到黎係用咗熱狗包。味道都算幾好，但法蘭克福腸比較細條，上面加咗好多沙律菜，所以感覺有少少單調。
Triple Cheese Baked Potato $58
Parmesan, Cheddar, Mozzarella
（三重芝士焗薯 -巴馬臣芝士，車打芝士，水牛芝士）
焗薯雖然寫咗有三種芝士，但味道同感覺如圖，而水牛芝士為主，都係比較單調。但就勝在可以分啲焗薯俾🐶。
Ice-cream with Churros $68
（西班牙炸油條配雪糕）
比較滿意嘅係甜品，Churros炸得外脆內軟，配上海鹽味雪糕同脆米。不過又係同餐牌張圖有出入，圖係用軟雪糕，成杯新地咁，不過總算味道不錯。
食完野之後，可以帶Blue出去行下，佢真係好鍾意睇海同吹海風~玩咗一日，🐶返到去即刻訓，訓醒一覺食啲野再訓，一訓就訓到第2日🐶
📍📍📍📍📍📍📍📍
Hooman by the Sea (The Pulse) (淺水灣)
淺水灣海灘道28號The Pulse2樓211號舖
📍📍📍📍📍📍📍📍
Post
