W&T Restaurant (洗衣街)

Open Now

Now Closed

狩Cafe魔趁紅日又來覓食啦！今次呢間W&T，喺門口睇覺得人少少，心諗唔通係伏？但係裝觀寛敞開揚嘅餐廳確實少見，又見全女班，膽粗粗走入去。覺得呢個天口涼嘅時候確實適合呢種餐廳（入內有冷氣），裝潢别緻得頗有bar & restaurant嘅感覺，唔會困住聲音，所以食得舒服嘅。女性雖然會覺得有少少怕生，但心思比較細膩又恬靜，肯溝通係可以做到滿意。音響不錯，選舞曲令人可以長留！講完服務同環境，就講食物。QR code落單幾啱唔想講嘢人士🤣 open kitchen 煮食相當香噴噴，令人期待！出品比意料之中好食，夠熱夠香，仲係可以登大雅之堂嘅擺盤👍海鮮意粉好香嘅香草蒜味，喺外面聞到廚房香味就知整緊啲咩真係好正。海膽蟹子意粉相當滿意，汁醬濃度適中，唔會過甜過膩過濃郁，食完加杯咖啡剛好。