麺屋武蔵虎洞 (青衣城) (Closed)

限聚令另持續咗咁耐，呢排終於叫做好返一啲。我呢隻為食貓當然要立即放監出去食返啲好嘢。 今日就去咗青衣城“武藏虎洞“食日本拉麵。 我哋一行二人，點咗一個 “黑蒜沾麵 “ $79。另一個就點咗“黑蒜叉燒拉麵“ $78 。先講講個沾麵 ，留意返面條係粗身一點，中間有條坑 ，條坑係等於拉麵可以掛多啲湯汁。 記得食沾麵係要夾起拉麵沾入湯內， 而非將成本湯倒入去個拉麵度到。 入口黑蒜味充斥著整個口腔 ，濃郁嘅沾麵汁並非淨係得鹹味 ，而係好有層次嘅味道 。另外個黑蒜拉麵都做得好出色，飲完啖湯，口腔內仍然有淡淡嘅黑蒜味留喺度。叉燒嘅厚薄剛好 ， 脂肪同肉嘅比例都好平均。小食方便我哋就叫咗“明太子玉子燒“ $48，蛋捲有少少甜味，十分開胃 ，將玉子燒放入湯度， 索曬啲拉麵湯嚟食，另有一番風味。最後到個“唐揚炸雞“ $38，值得一讚嘅就係個芥末汁 ，少少辣辣地 ，令到個炸雞味道昇華咗。嘢飲方便我哋就嗌咗“巨蜂葡萄梳打“， 有好多嘅椰果粒粒 ，好好咬口 。順帶一提我覺得啲碗碗碟碟都好靚好有特色，隻老虎好威猛 。疫情過後一定要飛返轉日本喪食拉麵壽司燒肉等等。