Video
Read full review
2009-11-27
係朗豪坊對面既平價西餐廳, 年幾之前已經想黎食. 但係每一次都係有緣無份. 最近又有朋友推介, 再挑起我條癮既情況之下終於都黎到喇.七點幾差唔多八點, 唔駛等位即刻可以入座. 都預左旺角既食肆都係勁多人同枱與枱之間都無咩私隠嫁喇, 不過好彩我哋係坐靠牆位. 待應們起快就將餐牌送到我哋手. 我同朋友一人點左一個SET DINNER, 包湯, 飲品, 埋main dish. 薑絲甘荀忌廉湯: 三個例湯選一, 聽名既時候覺得呢個名比較陌生所以揀左呢個. 佢既薑絲唔係生薑絲而係乾薑絲. 脆卜卜咁都幾夠薑味, 忌廉湯底麻麻. 應該都係罐頭湯多. 跟湯仲有片小蒜蓉包, 不過都幾乾下, 好似放左出黎風乾咁.主菜我點左一個名為 "蒙蘿麗莎芝士焗豬扒意粉", 我點既時候好疑惑, 點解蒙蘿麗莎係配豬扒呢? 我有諗過蒙蘿麗莎可能係一種芝士, 但係我上網又查唔到. 碟main dish黎到既時候又無咩特別, 好似同蒙蘿麗莎點都拉唔到關係... 講番味道, 個汁都幾creamy, 加再埋焗到燶燶地既芝士~~~ 好味!! 有兩大塊豬扒份量都幾多. 不過意粉既份量我就覺得少左d. 不過芝士既分佈唔係咁平均, 變左有
七點幾差唔多八點, 唔駛等位即刻可以入座. 都預左旺角既食肆都係勁多人同枱與枱之間都無咩私隠嫁喇, 不過好彩我哋係坐靠牆位. 待應們起快就將餐牌送到我哋手. 我同朋友一人點左一個SET DINNER, 包湯, 飲品, 埋main dish.
薑絲甘荀忌廉湯: 三個例湯選一, 聽名既時候覺得呢個名比較陌生所以揀左呢個. 佢既薑絲唔係生薑絲而係乾薑絲. 脆卜卜咁都幾夠薑味, 忌廉湯底麻麻. 應該都係罐頭湯多. 跟湯仲有片小蒜蓉包, 不過都幾乾下, 好似放左出黎風乾咁.
主菜我點左一個名為 "蒙蘿麗莎芝士焗豬扒意粉", 我點既時候好疑惑, 點解蒙蘿麗莎係配豬扒呢? 我有諗過蒙蘿麗莎可能係一種芝士, 但係我上網又查唔到. 碟main dish黎到既時候又無咩特別, 好似同蒙蘿麗莎點都拉唔到關係... 講番味道, 個汁都幾creamy, 加再埋焗到燶燶地既芝士~~~ 好味!! 有兩大塊豬扒份量都幾多. 不過意粉既份量我就覺得少左d. 不過芝士既分佈唔係咁平均, 變左有d地方無芝士, 有d地方有一大舊. 不過整體黎講ok.
食左朋友main dish嗰隻焗生蠔, 我覺得隻生蠔既質量麻麻, 食落d味道有d怪怪的, 好似雪左好耐咁...唔係好得!
餐飲我點左個特飲叫做機月同梁, 即係洛神同芒果味既飲味. 上枱時有2種唔同既顏色好靚的呀. 不過飲之前應該要搞勻佢先飲, 因為我分開一層層飲既時候覺得其中一層好甜, 一層酸咁. 同樣我都係比佢個名迷惑左我好耐. 最後上網查發現 "機月同梁" 係紫微斗數命格入面既一種. 不過... 機月同梁本意係穏打穏札既人, 同呢杯一般唔食酸既人飲完會覺得好酸既飲品好似唔係咁夾. 不過我仍然覺得佢呢d名改得好有誠意, haha!
成個set轉埋杯特飲都係$70, 以呢個質素黎講, 抵!
Post