元朗合隆潮州粉麵 (創德樓)

Open Now

Now Closed

啱啱去完尖沙咀，突然醒起附近開咗呢一間店，就過嚟食個下午茶。咁就點咗牛肉餅同埋鮮牛脷，見佢好似豬什出名咁就嗌咗個豬潤試埋。啲嘢食一嚟到梗係打咗卡先啦，但係打卡嘅時候發現佢啲銀針粉上面有一條頭髮，侍應話係豉油，再俾佢睇真啲真係頭髮，佢都有換。跟住試咗一啖胡椒豬肚湯，都幾夠胡椒味。跟住個牛肉餅都幾彈辣同埋多汁，食得一陣係個鮮牛脷真係幾好食又彈牙，但係個豬膶就錄得嚡咗啲，食到一半嘅時候再食豬膶發現有一舊係酸嘅，以為錯覺咁就冇特別理啦。跟住碗嘢食得七七八八嘅時候，再食多兩嚿豬膶，其中一嚿都係微酸嘅。咁就食返件牛脷當清一清個口啦。跟住最後剩返一塊，搏一搏，都係出咗事，呢一件係超酸嘅。跟住出去收緊嘅時候，同佢反映返個情況，佢話早啲出聲換俾我，但係都食到7788純粹俾返個意見佢，可能呢兩日天氣特別熱，就叫佢哋注意返處理食物嘅過程。不過個豬油撈汁又幾好食豬油好香冇益味，豉油亦都唔會太鹹，淡淡地啱啱好。