如一

Open Now

Now Closed

因為飲食男女介紹所以先知有呢間餐廳。感覺有啲似私房茶，鋪面唔太大。已經預早幾日經openrice預訂，當日上奏打黎話無位，要改時間。總結當日用餐經驗，似乎熟客訂座會優先按排坐位，若真係想確保「有效訂座」，員工話打電話訂座會較用 Openrice訂座好。有好多特色菜(包括海鮮)需要預先，太失策無訂到，但好彩隔離台多左半份茶燻雞，先有得試試呢度特色菜。茶燻雞味道挺有趣，值試得一試。雖然係燻雞，但胸肉部份仍然挺滑，非常滋味。需要訂嘅菜式包括：炸子雞，鹽焗雞，茶燻雞，手斯雞，醉乳鴿，燒乳鴿，龍蝦、象拔蚌，聖子皇、羔蟹、紅蟹、花蛤皇等。強烈推薦豬肺湯，非常好飲。小食類嘅溏心皮蛋畯薑同埋泡椒鮮芛非常好食！值得一試。唯一問題係地方太細，基本上隔離枱豪言豪飲的話，就算圍內3-4個朋友坐得好 close 咁傾計，基本上都係聽唔到大家講咩。如果介意用餐環境，呢點要留意。