黑羊餐廳 (Closed)

老闆話要駕車去Cape D'Aguilar睇日落，之後先去Black Sheep度食飯，但無訂位都驚驚地，全間餐廳只得十張枱（有大有細），好彩時間尚早，所以都俾到枱我地，重唔使限時間還枱，正！睇到D餐牌咁暗就知環境相當有格調，真係好適合情侶來拍拖燭光晚餐，再加上情人節既裝飾，都真係幾浪漫。所以以下食物相都要打燈同閃燈來影，都真係幾唔好意思！ 其實幾年前都來食過兩次，老闆都話去得Black Sheep都係食境多，而我印象最深刻都係佢地播既英文歌，首首都好岩聽，所以自己都幾鍾意呢度！加上侍應態度好好，服務一流，所以琴晚都好多熟客來食（包括老闆），所以成個環境氣氛都係一流！先來餐前包，好有心既配搭，除左包加牛油之外，你可以見到有一個蒜頭係旁，可以自制蒜頭包，而隔離既黑色野，空口食都幾咸，而我就試唔到係D咩，感覺係梅菜果D朋友，但我就鍾意熱辣辣麵包加牛油同蒜頭，好味！我自己就叫左個onion soup，好香好濃郁，面頭有件麵包，硬左少少，或者我需要浸耐D先得！呢個係老闆必叫食物，連侍應都知佢想要點整。呢舊野叫做artichoke（【植】朝鮮薊（形似百合果的綠果），洋薊），其實都無咩肉食，只係