Video
Read full review
2021-10-27
46 views
平日想去居酒屋食個晚餐, 咁岩第二日又放假, 諗住食餐好既, 就揀左呢間試下入到去聽到好熟悉既日文! 原來好多客人都係日本人黎, 而且D侍應都識講日文架! 感覺真係好似返左家鄉咁呀! 因為本人每年都去2-3次日本架~一坐低個老闆就介紹八海山sake ($220) 同埋飛機貨, 下面有圖片附上 (下 : 真鯛, 中: 目仁奈, 上: 鱆紅魚)八海山Sake 好易入口, 飲落去甜甜地, 唔會覺得苦, 飲完第2日唔洗返工真係好爽!老闆就推介真鯛刺身 ($200) 試下, 食落去魚質好彈牙, 非常新鮮, 再配埋個柚子汁 或者 wasabi食!不過個人覺得柚子汁比較match, 好有提鮮作用!另外, 前菜嗌左個薯仔沙律 ($65), 唔好以為普普通通, 呢個先係正正日本人中意食既前菜黎架! 有蛋白, 薯仔, 洋蔥! 開胃前菜真係一流!再叫左個鮟鱇魚肝 ($120), 再配埋個柚子汁+青瓜+昆布一齊食, 完全唔會覺得好漏, 反而好有提鮮既作用!之後熱食嗌左個豚角煮五花腩 ($88), 食落去好淋, 好香五花腩既鮮味, 雖然稍為有少少脂肪, 但正正因為有脂肪, 先至突顯到五花腩既精粹! 如果無脂肪,
入到去聽到好熟悉既日文! 原來好多客人都係日本人黎, 而且D侍應都識講日文架! 感覺真係好似返左家鄉咁呀! 因為本人每年都去2-3次日本架~
一坐低個老闆就介紹八海山sake ($220) 同埋飛機貨, 下面有圖片附上 (下 : 真鯛, 中: 目仁奈, 上: 鱆紅魚)
八海山Sake 好易入口, 飲落去甜甜地, 唔會覺得苦, 飲完第2日唔洗返工真係好爽!
老闆就推介真鯛刺身 ($200) 試下, 食落去魚質好彈牙, 非常新鮮, 再配埋個柚子汁 或者 wasabi食!
不過個人覺得柚子汁比較match, 好有提鮮作用!
另外, 前菜嗌左個薯仔沙律 ($65), 唔好以為普普通通, 呢個先係正正日本人中意食既前菜黎架! 有蛋白, 薯仔, 洋蔥! 開胃前菜真係一流!
再叫左個鮟鱇魚肝 ($120), 再配埋個柚子汁+青瓜+昆布一齊食, 完全唔會覺得好漏, 反而好有提鮮既作用!
之後熱食嗌左個豚角煮五花腩 ($88), 食落去好淋, 好香五花腩既鮮味, 雖然稍為有少少脂肪, 但正正因為有脂肪, 先至突顯到五花腩既精粹! 如果無脂肪, 就無左五花腩既精華架啦!
海鮮方面, 嗌左個帶子牛油燒 ($100), 煎得好香牛油味, 而且帶子粒粒都好大隻好肥美! 食落去真係好滿足! 而佢個帶子裙邊亦都爽口~本人就最中意食呢D原粒帶子架啦!!
最尾就嗌左個高菜炒飯 ($90), 講明係用日本米黎炒! 所以粒粒都係珍珠米黎! 而且高菜係講明用沖繩產黎炒, 因為老闆話沖繩個邊好興食呢味炒飯架!
看似簡單, 但其實要炒得乾爽, 粒粒分明真係唔容易架! 食落去少少帶酸既雪菜, 再加埋少少既飯焦香, 真係忍唔住令我扒左3碗飯落肚添呀!
最後, 個老闆話佢自己之前係日本東京個邊讀書做野, 之後返左黎香港開餐廳, 仲生活左20幾年, 佢仲分享左因為以前係日本個邊有朋友介紹呢隻八海山既酒俾佢飲, 又覺得好好飲, 就想以八海山呢個名係香港開餐廳! 所以個老闆真係識講日文架! 佢非常平易近人, 仲不斷介紹D特色菜俾我地食! 招呼周到! 而且仲不斷換熱茶+熱毛巾俾我地! 真係太寄氣啦!
我覺得有陣時唔一定要食香港人口味既餐廳, 反而試下呢間傳統既居酒屋! 因為呢到既環境+食物真係比較懷舊!
唔一定要成日食三文魚+甜蝦呢D先滿足既, 有陣時要融入下當地日本人既飲食文化! 最緊要係好難得隔離枱會聽到日文架! 唔講真係以為自己去左轉日本添呀! 而且價錢合理, 食物質素高, 想試下傳統居酒屋既朋友, 一定要揀呢間試下!!
Post
