台灣郎 (Closed)

台灣郎發現天后開咗好多新食肆，都唔知試邊間好。經過見到呢間台灣嘢，個裝修都幾靚，好似坐得幾舒服，所以就入咗去試。因為得兩個人，我哋隨便叫咗台灣紅燒牛肉麵、廟口肉燥飯、蚵仔煎肉燥飯細細碗，女孩子已經好夠食。肉碎好夠味，少少偏鹹，但係嗰半隻滷水蛋，真係好好食。台灣紅燒牛肉麵就大大碗，扁面一般。但係啲牛肉好淋，蘿蔔入晒味，個湯底少少辣。非常惹味。至於個蚵仔煎，同台灣嗰啲差不多，質地較濕，不過食落都唔算腥，蚵仔都冇乜沙。另外叫咗胚芽奶茶、伯爵奶茶，味道不錯，唔會太甜，最緊要凍飲係冇冰，滿滿的一杯，非常滿足。