十戶 (Closed)

為咗解開心結決定即晚就出去食日本菜，朋友好比面肯陪我食返餐好既，我揀咗晌土瓜灣的十戶，見到好多好評一定要試下，經屯馬線晌大圍過去土瓜灣都只係幾個站，真係方便好多。 我地點咗5式刺身，多種串燒，天婦羅等等，仲叫咗1小瓶Sake，開開心心傾返晚！ 5式刺身非常新鮮，好耐無食過魚生好滿足呀！ 串燒種類多，我地叫咗厚切牛脷、磯燒虎蝦、明太子雞肉串、雞軟骨、雞皮，牛脷厚切唔會韌，虎蝦超大隻啖啖肉，明太子好特別又好味。 小食叫咗山葵八爪魚、麻將豆腐、豬腩肉糖心雞蛋，特別推介豬腩肉糖心雞蛋，用腩肉片包著糖心雞蛋，比埋刀叉切開流晒蛋，必食首選！ 最後甜品想叫芝士蛋糕，點知售罄了，轉為紅豆抹茶蕨餅，蕨餅煙煙韌韌，紅豆抹茶根本是絕配，好味！