Video
Read full review
2020-06-05
3223 views
出咗糧梗係要食返餐好! 今日帶咗朋友嚟呢間位於尖沙咀嘅日本料理店，品嚐高級的日本料理。由於仍然有限聚令的關係，所以餐廳的防疫工作都做得好好。入餐廳之前首先度體溫，。咁樣所有人都會食得安心。今次食嘅係Omakase，每一次食呢類型嘅料理都充滿左神秘感，因為奉上嘅主要係當日最新鮮嘅食材，令人相當期待。慢煮八爪魚，有別於一般嘅八爪魚，呢一味菜式食落去冇咁韌。而且經過45度低溫慢煮，令肉質慢慢變軟，這種口感相當特別。這個名為叫「真蠔」聽日本海水味好重，肉質香甜。只是加上小小的醬油調味一下已經好足夠 ！刺身盛深海池魚、右口魚、右魚魚邊（油分高，係我朋友最鍾意嘅一個食材）、象拔蚌、石垣鯛。味道由淡食到濃，每一件質感都唔同。左上角特別驚喜嘅一個食材，經理奉上之後都叫我地估下究竟係乜嘢海鮮，外貌似蝦，味道就好似龍蝦，原來係中菜比較常見嘅「琵琶蝦」。另外橙色嘅就係我都同樣喜歡嘅金目鯛，外表有少少透明嘅就係針魚，相對比較淡口味，配以昆布和wasabi嫩葉一齊食，味道好有層次。䲠魚(前) 肉質實淨，平時比較少在Omakase見到。中吞拿魚腩(中）入口即溶，油脂也好香太驚喜了！腦天(後)就係吞拿魚頭頂嘅部份，
今次食嘅係Omakase，每一次食呢類型嘅料理都充滿左神秘感，因為奉上嘅主要係當日最新鮮嘅食材，令人相當期待。
慢煮八爪魚，有別於一般嘅八爪魚，呢一味菜式食落去冇咁韌。而且經過45度低溫慢煮，令肉質慢慢變軟，這種口感相當特別。
這個名為叫「真蠔」聽日本海水味好重，肉質香甜。只是加上小小的醬油調味一下已經好足夠 ！
刺身盛
深海池魚、右口魚、右魚魚邊（油分高，係我朋友最鍾意嘅一個食材）、象拔蚌、石垣鯛。味道由淡食到濃，每一件質感都唔同。
左上角特別驚喜嘅一個食材，經理奉上之後都叫我地估下究竟係乜嘢海鮮，外貌似蝦，味道就好似龍蝦，原來係中菜比較常見嘅「琵琶蝦」。另外橙色嘅就係我都同樣喜歡嘅金目鯛，外表有少少透明嘅就係針魚，相對比較淡口味，配以昆布和wasabi嫩葉一齊食，味道好有層次。
䲠魚(前) 肉質實淨，平時比較少在Omakase見到。
中吞拿魚腩(中）入口即溶，油脂也好香太驚喜了！
腦天(後)就係吞拿魚頭頂嘅部份，每條魚只有好少糧，所以更加矜貴。我個人甚至覺得被拖羅更加好食！
前面嘅赤海膽顏色好鮮艷，而且偏向甘口，真係好滿足！
估唔到壽司最後一疊竟然係有我最鍾意嘅海鰻。海鰻用醬油醃過，甜甜地。而且無骨啖啖肉，食到好安心。
赤鱗魚，經過燒香後可以連埋魚鱗一齊食，外皮鬆脆可口，配上少少青檸汁點綴一下，令成件事更加清爽。
呢一餐咁高質嘅日本菜令我同朋友都樂而忘返，每個月出糧之後好好獎勵自己食返一次都唔過分！尤其係疫症嘅時間，好多本身之前計劃左嘅旅行都要被迫取消嘅時候，留喺香港食餐高質嘅日本菜都可以一解思鄉之情。
Post
