齊柏林熱狗店 (灣仔道) (Closed)

齊柏林熱狗終於開到黎灣仔🥰每一款熱狗都會有個實驗號碼如Z120,121等，ZEPPELIN LAB會將不同熱狗、香腸、醬料及配菜結合，成為一款又一款獨一無二既熱狗🌭️灣仔分店暫時有8款熱狗，$30-$42左右，另外加$12仲有兩款小食，薯條都有四款，真係好想一次過試哂－－－－－－1. 澳式風情熱狗 $38 7.5/10呢款熱狗係小店其中一款best seller之一☺️熱狗包燒得有點微焦，配料有芝士、煙肉、菠蘿同紐綸堡腸，醬汁用左千島醬，食落有點似夏威夷薄餅，千島醬同菠蘿本身已經好夾，再加埋芝士同腸真係冇得輸，不過煙肉份量相對較少🙈2. 田園風味熱狗 $30 7/10$30真係幾抵食，有蕃茄、青瓜、洋蔥同法蘭克福腸，醬汁有蛋黃醬同千島醬，我覺得醬汁有點多，食到最後好膩，雖然有蕃茄青瓜做中和，食落幾清新，青瓜切成絲好爽口🤤3. 芝士大薯條 $22 6.5/10薯條新鮮炸好，不過因為外賣關係，返到屋企焗腍左少少，同埋加左醬汁係上面，腍上加腍，建議醬汁可以額外放，食既時間先加會比較好👍🏻醬汁有千島醬同茄汁，不過熱熔芝士已經變硬左，有點可惜，但整體味道酸酸甜甜，幾開胃