至友美點

Open Now

Now Closed

上網見到元朗都有黃金糕食，見係附近做完facial, 特登過黎試一試佢門面係啲舊式茶樓格局，但環境光猛乾淨企理👍🏻春蛋燒賣，男友至愛。仲有窩蛋牛飯，金錢肚。點心熱辣辣，牛肚入味又夠冧豬潤腸。腸粉皮太厚，豬潤太細塊，手指尾甘大，完全唔得🤢特別request要蒸蘿白糕，店家好好幫我蒸❤️蒸糕再加豉油食其實好好味，不過肥仔男友就鍾意煎，比較香口。蘿白糕正常，都係粉多蘿白少，臘味都唔算多，同依家一般酒樓食到既差唔多。最後係今餐主角，香煎黃金糕。煎比較脆口，口感煙靭，係我鍾意既。有椰香味，唔知有無得成底買呢🙈🙈 終於都俾我搵到間係岩我口味既，因為唔多地方有，多數都要舊式酒樓先有得食。而且之前食過幾間一係無味，一係太冧，唔夠煙靭。相信我會成日黎幫襯，只為我最愛既黃金糕😋總結，點心味道一般，但勝在有懷舊點心食，而且價錢算平，更重要係，呢度可以感受到大財團無既小店人情味。