Video
Read full review
2023-07-09
25 views
觀塘一向出名多嘢食，尤其係工廈小店。最近就同朋友喺駱駝漆 3 座搵到間主打地道潮汕菜嘅「潮叔」。餐牌選項好豐富，有招牌沙嗲鵝肉飯、辣炒吊龍套餐、酸湯三花趾配白飯、潮汕粉麵同九宮牛魔王套餐等。點咗兩個獨樂樂 1 人小火鍋 ($88@)，套餐包調味醬料、湯底、肉類、五寶盒、菜籃及麵底，而且仲要唔收加一，非常抵食。湯底揀咗蕃茄薯仔牛骨湯 同 芫茜皮蛋湯。牛骨湯味道好鮮甜，清澈不帶油脂；芫茜皮蛋清熱下火。肉類 4 揀 1，有肥牛、吊龍、豚肉同三花趾，肥牛肉嫩鮮美，3:7 完美肥瘦比例，食落好滑溜。吊龍係肉眼扒外圍嘅肉，肉質鮮滑多汁、帶筋道嚼勁。五寶盒有豬肉丸、魚蛋、炸魚皮、牛丸同魚皮餃。豬肉丸肉質鮮嫩，沒有過份調味，保留家豬獨有嘅天然甜香。炸魚皮亦十分討好，香脆又無腥味。潮汕牛丸真材實料，食落牛味好香濃、彈牙爽口。魚皮餃亦唔輸蝕，用新鮮魚肉做，既煙韌又有魚肉鮮味。菜籃有唐生菜、娃娃菜、萵筍、蓮藕同粟米，全部都好新鮮，有營又健康。麵底可選烏冬、米線、蟹黃麵或河粉，烏冬幼滑煙韌、蟹黃麵非常有彈性，味濃又不會過油。另外仲點咗王老吉 ($10) 同 冬瓜茶 ($10)，王老吉清涼消暑、冬瓜茶口味甘醇，
觀塘一向出名多嘢食，尤其係工廈小店。最近就同朋友喺駱駝漆 3 座搵到間主打地道潮汕菜嘅「潮叔」。
餐牌選項好豐富，有招牌沙嗲鵝肉飯、辣炒吊龍套餐、酸湯三花趾配白飯、潮汕粉麵同九宮牛魔王套餐等。
點咗兩個獨樂樂 1 人小火鍋 ($88@)，套餐包調味醬料、湯底、肉類、五寶盒、菜籃及麵底，而且仲要唔收加一，非常抵食。
湯底揀咗蕃茄薯仔牛骨湯 同 芫茜皮蛋湯。牛骨湯味道好鮮甜，清澈不帶油脂；芫茜皮蛋清熱下火。
肉類 4 揀 1，有肥牛、吊龍、豚肉同三花趾，肥牛肉嫩鮮美，3:7 完美肥瘦比例，食落好滑溜。吊龍係肉眼扒外圍嘅肉，肉質鮮滑多汁、帶筋道嚼勁。
五寶盒有豬肉丸、魚蛋、炸魚皮、牛丸同魚皮餃。豬肉丸肉質鮮嫩，沒有過份調味，保留家豬獨有嘅天然甜香。炸魚皮亦十分討好，香脆又無腥味。
潮汕牛丸真材實料，食落牛味好香濃、彈牙爽口。魚皮餃亦唔輸蝕，用新鮮魚肉做，既煙韌又有魚肉鮮味。
菜籃有唐生菜、娃娃菜、萵筍、蓮藕同粟米，全部都好新鮮，有營又健康。
麵底可選烏冬、米線、蟹黃麵或河粉，烏冬幼滑煙韌、蟹黃麵非常有彈性，味濃又不會過油。
另外仲點咗王老吉 ($10) 同 冬瓜茶 ($10)，王老吉清涼消暑、冬瓜茶口味甘醇，打邊爐飲一流！
Post
