私家廚房 (Closed)

譽發商場位於旺角與油麻地嘅交界 方便就腳 交通便利 所以我平時都好鍾意你呢度搵嘢食今日一嚐新開冇耐嘅私家廚房 餐廳大約開業半年 見到食評好評如潮 一於來光顧 細味品嚐入到餐廳感覺寧靜 一個個獨立嘅包廂 每個包廂都有獨立嘅帳篷 私隱度高 仲有高樓大廈嘅景觀欣賞四人或以上即可入座獨立房間 房間與房間亦可打通 最多可以坐到14人 適合大夥兒聚餐成日覺得私房菜會好貴 但係一睇價錢尚算合理 餐單上面有好多私家菜式 例如古法秘製扣燴米鴨 焗魚腸 都需要預先訂製黃金芝士球 咬落去嘅第一彈已經充滿驚喜 外面嘅麵包粒炸到金黃鬆脆 非常鬆化墨魚滑彈牙鮮味 中間仲釀入咗芝士 口感層次又變得更加豐富椒鹽一字骨 廚師拿捏火侯簡直一流 一字骨依然內裏多汁 外皮炸得脆卜卜 有椒鹽粉及花生碎相伴 香味四射果皮清蒸大連鮑 果皮同鮑魚嘅味道天衣無縫 鮑魚肉爽脆鮮嫩 加埋廚師整嘅蔥油 食到舐舐脷最後仲有冰鎮新鮮鳳梨作為飯後果 非常貼心周到同職員閑談期間 得知廚師經驗豐富 難怪每道菜式各有特色 加入自己個人化嘅元素 獨特又美味嘅私房菜 在這裏找到